但係無人亦都無野可以具體咁解釋呢個字...
正如糖好甜，花好香...
根本無得解釋，要用心同親身體會先可以感受。
真正既愛～應該係堆藏響心裡面，去體會、去感受、去領悟...
即使天會變～月會圓、花會枯、人會老...
有生之年，請珍惜你所愛以及愛你o既人。
最動人的承諾
唔係果Ｄ係人都講得出口既海枯石爛、地老天荒...
以下只係一篇好短既醫生手記文章（區樂民醫生）
但已經足以令人雙眼通紅鼻酸酸...
有一位老婆婆，個子唔高，但係好肥，行路既時侯需要枴杖支持。
每隔兩個月老公公都會陪老婆婆到醫院覆診，因為老婆婆患有高血壓。
某夜，老婆婆左邊身麻痺入院，經過電腦掃瞄顯示右腦出血。
我如實話比老公公知，佢無出聲，只係無奈咁望住我，淚水已經湧現。
第二朝，意料之外，老婆婆既情況唔係想像中咁壞，而且頭腦清醒。
入院之後既第五日，老婆婆問我：呢兩日伯爺公點解無黎探我o既？
一個實習護士話比我聽，早兩日老公公突然心肌梗塞，住左響對面既男病房。
兩老無兒無女，最親既都只係姪仔。
今日，姪仔帶左兩樽果汁黎醫院，先去探老公公，再去探老婆婆。
過左幾日，老公公既病情剛剛穩定，就嚷住要出院照顧老婆婆，經過一番溝通之後，主治醫生諗左一個折衷辦法：
首先老公公換番自己既衫，坐住輪椅，由工友推到女病房門口，而為左安全起見，醫生護士都要跟埋老公公一齊...
老公公蹣跚地企起身，手執果汁，走到老婆婆床邊：買比妳飲嫁。
老婆婆嗲起黎：呢幾日唔見你既伯爺公，咩事呀？病左咩？
老公公微笑：唔係呀伯爺婆...姪孫結婚啦，我要幫佢打點一下嘛。
呢一個，係我咁耐以來聽過最動人最感動既一個謊話。
人生就好似變幻莫測既天氣，雖然可以預料，但往往都出人意表...
老公公既心臟日復日咁康復，準備出院那天，病情突然惡化，撒手塵寰。
姪仔辦理完死亡證明之後就黎搵我，要求暫時唔好話比老婆婆知，因為老公公死前遺言：照顧伯爺婆，唔好話佢知我既事，唔想佢受剌激。呢個時候，無一個在場o既人唔感動唔流下眼淚，包括我...
當日我巡房既時侯老婆婆又問：伯爺公Ｄ果汁喝曬啦，點解佢又不見人？
護士強忍眼淚：妳唔記得左咩？姪孫過兩日結婚啦！老公公要幫手嘛。
第二朝清早，我發覺老婆婆床頭多左樽瓶果汁，聽到護士同老婆婆話：老公公剛黎過，佢見妳訓得咁甜，唔捨得叫醒妳，放低果汁就走左啦。
當護士一轉身發覺我企響度既時候，立刻雙頰通紅。我微微一笑，拍左佢膊頭一下，慶幸佢果顆愛心，不為歲月冷卻。
當日下晝，護士長察覺坐響梳髮對住窗望風景既老婆婆無左呼吸，我迅速跑去一手抱起老婆婆，再聯同護士將婆婆放上病床急救...
搶救二十分鍾之後，我宣佈失敗...
我一邊寫報告記錄，一邊諗起「陪著你走」o既一句歌詞：
如果，走到這世界邊端，我倆已是無力前行，跟我一起飛去...
護士長走過黎同我講：估唔到妳咁大力，一手就可以抱起老婆婆。
我只係報上微笑，因為我已經唔想講任何野，我怕我忍唔住眼淚...
老婆婆的確好肥，但係好輕，因為佢既靈魂已經跟老公公飛走左啦...
簡單的歌詞，卻這麼觸動人心...
陪著你走 - 盧冠廷
曲︰盧冠廷
詞︰唐書琛
編︰CHRIS BABIDA
＊誰說 時間片刻變陳舊
全為我分秒亦停留
因我 身邊有你緊握我的手
＃〔這份〕愛 誰說永不會長壽
陪著你一生到白頭
都能 把心中星星閃得通透
＋陪著你走 一生一世也不分
天天編出兩雙足印 過千山過千海
如果 走到這世界邊端
我倆已是無力前行 跟我一起飛去
重唱 ＊＃＋
請你伴我同路去
沒有留言:
發佈留言